他們與成為JDM車主的距離

相信每個人內心深處都有一部Dream Car，幻想揸住佢一齊去歷險，呢位最好嘅戰友，好多都係源自日本產地。成為日本國內仕樣車主嘅美好畫面，由細到大總係揮之不去。

JDM，Japanese Domestic Market，呢幾隻英文字從此魂牽夢縈。

「我考到車牌之後一．定．要．出．架．JDM！」

當大個開始有經濟能力去達成呢個「男人的浪漫」時，先發現世界唔係咁簡單㗎⋯⋯ 世上有90%問題可以由錢解決，淨低個10%係錢都難解決嘅事——我都幾確認其中一樣係關係香港地揸JDM事。

香港揸JDM=需要好多好多愛！

無論你係追求JDM原廠嘅簡潔質感，定係鍾情改裝嘅錦上添花，喺香港成為JDM車主，同樣地都要捱過重重難關⋯⋯首先，準車主要排除萬難買到一架心儀而又狀態唔差嘅JDM，否則整都整到喊三聲；平日駕駛時都會不自覺提心吊膽，入「薄log」係指定動作，然後只能自求多福。

呢啲日常嘅遭遇看似不幸，其實已經比唔少人幸運：因為你最起碼出到車保，依然有機會同愛驅遊車河。有一批礙於年齡同駕駛經驗限制嘅準JDM車主，乜都未做已經被打五十大板，喺出保險呢一個階段卡關止步。就算有心理準備硬食貴保費，都無人俾機會你課金俾錢！

對JDM無愛嘅話，其實好難成事。

點解JDM咁難出保？

喺香港揸JDM，彷彿係一種原罪。點解JDM咁難出保？以下簡單總結下主要嘅原因。

第一，大家鍾情嘅JDM，車齡基本都有廿年歷史，所謂「年紀大機器壞」，保險公司會將「車齡高」同「風險高」掛鉤，所以保險公司批出保險時需要額外審批。

第二，JDM車主會為架車進行改裝或日常復修，汽車性能通常有增無減，CC雖小但馬力大，儘管有爽快嘅JDM獨有駕駛感，但換嚟嘅係被保險公司視為高風險車輛。

第三，保險公司承保時會注重車主年齡及駕駛經驗，出JDM車保時更加重視！年輕車主配上狂野嘅JDM⋯⋯嗰種野性，顯盡晒係保費之上。

第四，如果你第一次出車保，由於無過往承保記錄供保險公司參考，因此佢地未必願意做俾0 NCD (No-Claim Discount) 嘅JDM新車主，就連最基本嘅三保都唔易出。 

有咩途徑，幫到JDM出車保？

有唔少汽車從業員同各位一樣愛車，希望係香港推廣唔同種類嘅汽車文化，當然都明白JDM出保險嘅難處，以及感受到大家對JDM嘅大愛！JDM車保係好多人都唔願做嘅範疇，但係總有人樂意挑戰難關，致力消除喺香港玩車嘅障礙。心思思想出架JDM嘅準車主，不妨到一啲新派嘅車保公司查詢，0 NCD嘅JDM新車主都可以出到保！只要㩒個掣，一鍵報價，隨時夢想成真，唔駛再等！歡迎點擊了解更多JDM出保險嘅細節。

*以上 JDM 車保保費以 投保人25歲或以上、3年或以上駕駛經驗為參考。